چۆن باسی سێکس لەگەڵ هاوسەرەکەت بکەیت؟
ئایا تۆش بۆ دەستپێکردنی قسەکردن لەسەر سێکس لەگەڵ هاوسەرەکەت کێشەیەکت هەیە؟ سێکسی دڵخۆشکەر لە نێوان هاوسەرەکاندا یەکێکە لە هۆکارە گرنگەکان بۆ ئەوەی خێزانێکی تەندروست و بەختەوەریان هەبێت. کێشە سێکسییەکان کە لە نێوان هاوسەرەکاندا هەن، هەندێک جار تەنها بە ڕاوێژێکی سادە بۆ هەمیشە نامێنن. هەرچەندە لەم سەردەمەدا دەکرێت بە شێوازی جۆراوجۆر زانیاری و هۆشیاری خەڵک لەم ڕووەوە زیاد بکرێت، بەڵام هێشتا زۆر کەس خۆیان لە قسەکردن لەسەر سێکس لەگەڵ هاوسەرەکەیان بەدوور دەگرن و پێداویستی و کێشەکانیان بەرز ناکەنەوە. هەندێکی تر باسی سێکس دەکەن بەڵام بە تەواوی نازانن لە کوێوە دەست پێبکەن و چۆن خۆیان دەرببڕن.
لەم بابەتەدا باس لە چۆنیەتی قسەکردن لەسەر سێکس دەکەین. بابەتێکی ترمان هەیە دەربارەی 8 ڕێگای نایاب بۆ ڕێکەوتنی باشتر لەگەڵ هاوبەشی ژیانت کە دەتوانێت یارمەتیدەر بێت بۆ دامەزراندنی پەیوەندییەکی باش لەگەڵ هاوبەشی ژیان.
ئایا قسەکردن لەسەر سێکس کارامەییە؟
ئێمە هاوڕاین کە قسەکردن لەسەر سێکس کارێکی ئاسان نییە چونکە لە کولتوری ئێمەدا ئەم کردارە ڕەنگە لە هەندێک حاڵەتدا بە بێشەرمانە هەژمار بکرێت؛ بە تایبەت ئەگەر ژنان بیانەوێت ئەمە بخەنە ڕوو و باسی بکەن. بێگومان ئەمە تەنیا لە فەرهەنگی ئێمەدا نییە و لە زۆر وڵاتی دیکەشدا هەمان شتە.
ئەگەر بەشێوەیەکی دروست بچیتە ژوورەوە و کێشە سێکسییەکانت لەگەڵ هاوسەرەکەتدا باس بکەیت، نەک هەر کارێکی خراپت نەکردووە، بەڵکو هەنگاوێکی دروستت ناوە بەرەو پتەوکردنی بناغەی خێزانەکەت. قسەکردن لەسەر سێکس کارامەییەکە چونکە هەموو کەسێک توانای ئەوەی نییە بە باشی ئەنجامی بدات و ئەنجامی دڵخوازی بەدەستبهێنێت. لەگەڵمان بمێنەرەوە بۆ ئەوەی زانیاری زیاترتان پێ بدەین.
باسی کام لایەنی سێکس بکەین؟
کاتێک دەڵێین قسە لەگەڵ هاوبەشی ژیانت بکە دەربارەی سێکس مەبەستمان ئەوە نییە تەنها باسی چێژی سێکسی و چۆنیەتی زیادکردنی بکەیت؛ لایەنی دیکەش هەن کە پێویستە چارەسەر بکرێن:
- پشکنینی تەندروستی سێکسی
- چەند جار حەزت لە سێکسکردنە؟
- چۆن پەیوەندییەکە باشتر بکەین سەرەڕای جیاوازی چێژی سێکسی؟
- هەوکردن و نەخۆشییە سێکسییە گواستراوەکان کە لەوانەیە هەتبێت
- جۆری ئەو ڕێگایەی کە بەکاردێت بۆ ڕێگریکردن لە دووگیانی
ئامۆژگارییەکان بۆ دەستپێکردنی قسەکردن لەسەر سێکس لەگەڵ هاوسەرەکەت:
1. بۆ قسەکردن لەسەر سێکس، کاتێکی گونجاو لەبەرچاو بگرن
باشتر وایە لە سەرەتای سێکسەوە کاتێک کێشەیەک دەبینیت باسی بکەیت و مەهێڵە ئەم کێشانە کاریگەری تێکدەرانەی لەسەر دەرونت هەبێت. ڕاست پێش سێکس یان دوای سێکس کاتێکی باش نییە بۆ هێنانە ئارای کێشەکان. پێشنیار دەکەین هەرگیز ژووری نووستن هەڵنەبژێرن بۆ گفتوگۆکردن لەسەر ئەم پرسانە. ژووری نوستن دەبێت شوێنێک بێت بۆ ئیسراحەتکردنت نەک شوێنێک بۆ ڕەخنەگرتن. شوێنێکی ئارام لە دەرەوەی ماڵ هەڵبژێرە و لەوێ لەگەڵ هاوسەرەکەت قسە بکە، بەڵام پێویستە ئاگاداری ئەوە بیت کە ئەگەر منداڵت هەبوو ئەوا ئەوان لە دەوروبەرت نین.
هەرگیز درەنگ نییە بۆ دەستپێکردن؛ ئەگەر تەنانەت دە ساڵ بەسەر سەرەتای ژیانی هاوسەرگیرییەکەتدا تێپەڕیبێت و هەرگیز باسی سێکست لەگەڵ هاوسەرەکەت نەکردووە، هێشتا درەنگ نییە بۆ قسەکردن. ڕەنگە ژیانی هاوسەرگیریتان بۆ دەیان ساڵ بەردەوام بێت و ئەگەر هێشتا سێکسی نێوانتان بەو شێوەیە نەبێت کە تۆ دەتەوێت ئەوە دەرئەنجامە ناخۆشەکانی زیاتری دەبێت.
2. بۆ قسەکردن لەسەر سێکس، پلانت هەبێت
لەناکاو دەست بە قسەکردن لەسەر سێکس مەکە. پێشوەختە بە هاوبەشی ژیانت بڵێ کە پلانت هەیە لەگەڵیدا باسی ئەم بابەتە بکەیت بۆ ئەوەی کاتێکی پێویستی هەبێت بۆ ئەوەی بیر لەوە بکاتەوە کە دەیەوێت چی بڵێت. قسەکانت بە وشەیەک دەست پێ بکە کە ڕۆژە خۆشەکانی دەستگیرانداری یان زوو هاوسەرگیریت بیر بخاتەوە و هەرگیز شەڕانگێز مەبە.
3. بۆ قسەکردن لەسەر سێکس، ڕاستگۆیانە و بە ڕوونی قسە بکە
دوای دامەزراندنی پەیوەندییەکی ئینتیمی لە کاتی گفتوگۆکەدا، زۆر بە ڕوونی بە هاوبەشەکەت بڵێ چیت دەوێت و چیت لەم گفتوگۆیە دەوێت. بۆ ئەم مەبەستە سەرەتا دەبێت بە تەواوی بزانیت چیت دەوێت بۆ ئەوەی بتوانیت بیگەیەنیت بە هاوسەرەکەت. بۆ نموونە ئەگەر ژنەکەت کاتێکی کەمێ بۆ خۆشەویستی بەسەر برد و تۆش لەم بابەتە ناڕەحەت بوویت، بە ڕوونی بەڵام بە ئەدەبەوە پێی بڵێ.
4. بۆ قسەکردن لەسەر سێکس، پێشنیار بکە لەبری ڕەخنە
لەبری ئەوەی هاوبەشی ژیانت بیربخەیتەوە کە بۆچی کاتێکی پێویست بۆ خۆشەویستی بەسەر نابات، پێی بڵێ “پێموایە ئەمجارەمان دەمانەوێت سێکس بکەین، پێویستە کاتێکی زیاتر بۆ خۆشەویستی بەسەر بەرین بۆ ئەوەی هەردووکمان زیاتر خۆش بین.
5. بۆ قسەکردن لەسەر سێکس، لە هەر گفتوگۆیەکدا تەنها لەسەر یەک بابەت قسە بکە
قسەکردن لەسەر سێکس دەبێت کورت بێت، بە مەبەست و ڕوون بێت. بۆ نموونە ئەگەر تۆ یان هاوبەشی ژیانت تووشی کێشەی زوو دەرچوون بوویت، یەکێک لە گفتوگۆکانت تەنها بۆ ئەم بابەتە تەرخان بکە و چارەسەرێک بدۆزەرەوە بۆ باشترکردنی. گێڕانەوەی هەموو کێشە سێکسییەکان بە یەکجار ڕەنگە بە هیچ شێوەیەک ئەنجامێکی باش نەدات.
6. بۆ قسەکردن لەسەر سێکس، هاوبەشی ژیانت زەلیل مەکە
جۆری قسەکانت نابێت بەجۆرێک بێت کە هاوبەشی ژیانت هەست بە کەمتەرخەمی بکات. بیری بخەرەوە کە دەزانیت کە ئەویش دەیەوێت سێکسەکەت ئایدیاڵ بێت، بەڵام دەبێت بیر لە چارەسەر بۆ کێشەکان بکەیتەوە. بە شێوەیەک قسە بکە کە دڵنیا بێت کە تۆ بەدوای باشترکردنی پەیوەندییەکەتدا دەگەڕێیت نەک لەناوبردنی کەسی بەرامبەر.
7. بۆ قسەکردن لەسەر سێکس، زیاتر باسی خۆت بکە نەک هاوبەشی ژیانت
باشترە باسی خۆت بکەیت نەک هاوبەشی ژیانت. بۆ ئەم مەبەستە لەبری ئەوەی بەردەوام موخاتەبەی بکەیت و بڵێیت: بۆچی فڵانە کار دەکەیت یان نا؟ بەم شێوەیە بیخەینە ڕوو: “پێم خۆشە لە کاتی سێکسدا ئەمە بکەین، یان فڵان و فڵان نەکەین.” لەم حاڵەتەدا لەبری جێناوی “تۆ” جێگرەوەی “من”ت بەکارهێناوە.
8. بۆ قسەکردن لەسەر سێکس، ئارام بگرە
هەرگیز لەکاتی قسەکردن لەسەر سێکسدا کۆنترۆڵی دەمارەکانت لەدەست مەدە و بە ئارامی قسە بکە. دەستەکانت مەخە سەر کەمەر و سنگت و شەڕانگێزی مەبە. لە تەنیشت هاوبەشەکەت دابنیشە و قسەی لەگەڵ بکە. هەرکاتێک هەستت کرد خۆت توڕە بوویت، چەند هەناسەیەکی قووڵ هەڵمژە و پاشان بەردەوام بە.
9. بۆ قسەکردن لەسەر سێکس، گوێگرێکی باش بە
گفتوگۆکانت لەگەڵ هاوبەشی ژیانت نابێت یەکلایەنە بێت؛ گفتوگۆ بەو مانایەیە کە هەردوولا قسەی خۆیان دەکەن. کەواتە بەها بۆ بۆچوون و بیرۆکەکانی بزانە و بیر لەوە بکەرەوە کە چ چارەسەرێک دەتوانێت پەیوەندییەکەتان باشتر بکات. پێشوازی لە قسەکانی هاوبەشی ژیانت بکە و دڵنیای بکەرەوە کە هەموو هەوڵێک دەدەیت بۆ ڕازیکردنی؛ لەم حاڵەتەدا بە جددیتر بیر لە قسەکانت دەکاتەوە.
10. بۆ قسەکردن لەسەر سێکس، سەردانی ڕاوێژکار بکە
بەتایبەت ئەگەر ماوەیەکی زۆرە کێشەی سێکسیت لەگەڵ هاوبەشی ژیانت هەبووە و هیچت لەو بارەیەوە نەکردبێت، ڕەنگە بە چەند گفتوگۆیەک یارمەتی چارەسەرکردنی کێشەکە قورس بێت. لەم حاڵەتەدا ڕاوێژکارێکی شارەزا و بەئەزموون دەتوانێت ببێتە فریادڕەسەکەت و بە چارەسەری کاریگەر، ژیانی هاوسەرگیریت لە لەناوچوون ڕزگار بکات.
دوا وشە:
قسەکردن لەسەر سێکس دەتوانێت شیرینی ژیانی هاوسەرگیریت دوو هێندە زیاد بکات؛ بە مەرجێک بزانیت چۆن قسە لەگەڵ هاوسەرەکەت بکەیت بۆ بەدەستهێنانی ئەنجامی دڵخواز. لەم بابەتەدا کۆمەڵێک چارەسەری پراکتیکی کاریگەرمان بۆ ئێوەی ئازیز دابین کردووە، بەڵام ئاگاداربن ئەگەر کێشەکانتان زۆر توند بن، ڕەنگە تەنها بە قسەکردن ئەوەی دەتەوێت بەدەستی نەهێنن؛ لەم حاڵەتەدا دڵنیابە لە وەرگرتنی یارمەتی لە ڕاوێژکارێک و هەنگاو بە هەنگاو ڕێنماییەکانی جێبەجێ بکە. ئایا بەهیچ شێوەیەک لەگەڵ هاوبەشی ژیانت باسی سێکس و باشترکردنی کوالیتی دەکەیت؟
