بۆ هەموو کارێک ئەتەکێت هەیە، لەنێویاندا ئادابەکانی جیابوونەوه. کۆتاییهێنان بە پەیوەندییەکی سۆزداری و جیابوونەوە بۆ هیچ کەسێک ئاسان نییە. تەنانەت لە حاڵەتی پەیوەندی کورتخایەن و قووڵدا. لە ڕاستیدا سەختی چیرۆکەکە کاتێک زیاتر دەبێت کە لایەنی بەرامبەر هێشتا هەست بە سۆز و وابەستەیی دەکات بەرامبەر بە تۆ و تۆش وەک مرۆڤێک گرنگی بە هەستەکانی بدەیت. بەڵام ڕێگەی دروست هەیە بۆ گەیاندنی ئارەزووی خۆت بۆ کۆتاییهێنان بە پەیوەندییەکە لەکاتێکدا ڕێز لە کەسایەتی و هەستەکانیان دەگریت.
لە درێژەی ئەم بابەتەدا لە بوزانینەوە، ئەو شێوازانەتان پێ ئاشنا دەکەین کە دەتوانن پەیڕەوی بکەن بۆ دەربڕینی خواستی خۆتان بۆ کۆتایی هێنان بەو پەیوەندییە کە تێیدایت، بە شێوەیەکی تەندروست و لۆژیکی، بەبێ ئەوەی زیان بە هەست و سۆزی لایەنی بەرامبەر بگەیەنێت، هەروەها کەمکردنەوەی هەوراز و نشێوی سۆزداری ئەم کارەساتە تا دەتوانیت. لەگەڵمان بمێنەرەوە.
ئادابەکانی جیابوونەوە:
لە زۆربەی حاڵەتەکاندا پێویست ناکات لە کاتی کۆتاییهێنان بە پەیوەندییەکدا کلیشە بەکاربهێنیت. زۆرجار بەکارهێنانی کلیشەکان دەتوانێت وا لە هاوبەشی ژیانت و تەنانەت خۆت بکات، هەست بکەیت کە تۆ تەنها هەوڵدەدەیت لە دۆخێکی ناڕەحەت ڕزگارت بێت.
یەک ئیستسنای هەیە: کاتێک پەیوەندییەکە ژەهراوی بێت یان هاوبەشی ژیانت خراپەکاری بکات. لەم بارودۆخانەدا سەلامەتترە لێدوانی کورت و کلیشە بەکاربهێنرێت بۆ کۆتاییهێنان بە پەیوەندییەکە، وەک «پێویستە لە ئێستادا سەرنجم لەسەر بوارەکانی تری ژیانم بێت» یان «خەتای تۆ نییە، بەهۆی بارودۆخەکەمەوە ناتوانم بەردەوام بم».
لەبیرت بێت لە حاڵەتەکانی تردا ڕاستگۆیی باشترین هەڵبژاردنە. بەڵام ڕاستگۆیی لەگەڵ دڕندەیی تێکەڵ مەکە، بەتایبەتی ئەگەر ماوەیەکی زۆرە پێکەوە بوون. بە ئارامی و بە ڕێزەوە بڕیارەکەت ڕوون بکەرەوە. لە کۆتاییدا هەوڵبدە خۆت بخەیتە پێڵاوی بەرامبەرەکەتەوە و بزانیت باشترین تۆن و ڕوونکردنەوەیەک ڕووبەڕووی دەبێتەوە. ئەمەش دەبێتە هۆی ئەوەی پرۆسەی جیابوونەوەکە مرۆڤانەتر و بەرگەگرتنی زیاتر بێت.
چۆن لە کەسێک کە خۆشت دەوێت جیا ببیتەوە؟
بەداخەوە خۆشەویستی تاکە پێکهاتەی پێویست نییە بۆ ئەوەی پەیوەندییەکە بەردەوام بێت. هەندێک جار، دەگەیتە ئەو ئەنجامەی کە کە مەبەستت ئەوە نییە پێکەوە بن. هەندێک جار، کێشەیەک لە پەیوەندییەکەتاندا سەرهەڵدەدات کە ناتوانن پێکەوە کاری لەسەر بکەن و بە ناچاری پەیوەندییەکەتان کۆتایی دێت.
1. ڕاستگۆ بوون لەگەڵ خۆت:
پێش ئەوەی دەست بەم گفتوگۆیە بکەیت سەبارەت بە کۆتایی هێنانی پەیوەندییەکە لەگەڵ ئەو کەسەی خۆشت دەوێت لەگەڵ خۆت قسە بکە. بیر لەوە بکەرەوە کە بۆچی دەتەوێت کۆتایی بە پەیوەندییەکەت بهێنیت و ئایا بەڕاستی هۆکاری کۆتاییهێنان بە پەیوەندییەکە کێشەیەکە که چارەسەر ناکرێ؟
ئەنجامدانی ئەم هەنگاوە لە پرۆسەی جیابوونەوەدا زۆر گرنگە، چونکە هەندێک جار هەست دەکەین بڕیارێکی دروستمان داوە، بەڵام دواتر پەشیمان دەبینەوە. کاتێک بە تەواوی ڕاستگۆ بیت لەگەڵ خۆت، ئەوا دەتوانیت بە ڕوونی ئەولەویەتەکانت دابنێیت و بە بیرێکی کراوەتر هەڵسەنگاندن بکەی بۆ ئەوەی کە خەریکە ڕوودەدات. هیچ شتێکی خراپ نییە کە خۆت و ئامانجەکانت بخەیتە پێشەوە، بەبێ گوێدانە هەستکردنت بە بەرامبەرەکەت.
2. دیاری کردنی کات و شوێنی ئەم ڕووداوە:
یەکێکی تر لە ئادابەکانی جیابوونەوە لەگەڵ کەسێک کە خۆشت دەوێت ئەوەیە، کات و شوێنی ئەم ڕووداوە دیاری بکە. بۆ هەموو شتێک کات و شوێنێک هەیە و پرۆسەی جیابوونەوە لە هاوبەشی ژیانت لەوە بێبەری نییە. بەو پێیەی ڕەنگە هێشتا هەست لە پەیوەندییەکەتدا هەبێت، باشتر وایە ئێوارەیەک یان پاشنیوەڕۆیەکی ئارام لە شوێنێکی تاڕادەیەک تایبەتدا تەرخان بکەیت بۆ ئەوەی بتوانن پێکەوە قسە لەسەر شتەکان بکەن.
ئەگەر بڕیاری کۆتایی هێنان بە پەیوەندییەکە لەناکاو و چاوەڕواننەکراو دەرکەوت بۆ ئەو کەسەی خۆشت دەوێت، دەتوانیت پێی بڵێیت کە بە پەیوەندییەکەتدا دەگەڕێیتەوە و لێی بپرسە کەی دەتوانێت لەسەر ئەم بابەتە قسەت لەگەڵ بکات تا لە ڕووی دەروونییەوە خۆی بۆ ئەو بۆنەیە ئامادە بکات. بەم کارە دەتوانێت ببێتە هۆی گفتوگۆیەکی بەرهەمدارتر کە هەردوو لایەن هەست بکەن لەلایەن ئەوی دیکەوە بیستراون و هیچ شتێک بە نەگوتراو نەمێنێتەوە.
3. بە پوختی و ڕاستگۆیانە قسە کردن:
بە پوختی و ڕاستگۆیانە قسەکانت دەرببڕە. کاتێک لەگەڵ کەسێکدا جیا دەبیتەوە کە خۆشت دەوێت، خراپترین شت کە دەتوانیت بیکەیت ئەوەیە کە بە شێوەیەکی ناڕوون قسەی لەگەڵ بکەیت. جگە لەوەش بێدەنگی و قسە نەکردن لەگەڵ لایەنی بەرامبەر لەم جۆرە بارودۆخانەدا دەتوانێت دۆخەکە قورستر و ئاڵۆزتر بکات.
بیرۆکەیەکی باش بۆ وەها دۆخێک ئەوەیە کە پێش ئەوەی لەگەڵ هاوبەشی ژیانت قسە بکەیت بیرکردنەوە و هەستەکانت بنووسیت، چونکە ئەمە دەتوانێت یارمەتیت بدات بیرکردنەوە و ئارگیومێنتەکانت بە ڕوونی دابڕێژیت. ئەگەر هاوڕێیەکی نزیکت هەیە کە هەست بە نزیکیی و ئاسوودەیی لەگەڵ دەکەیت، دەتوانیت لەسەر ئەم بابەتە قسەی لەگەڵ بکەیت و داوای یارمەتی لێبکەیت لە داڕشتنی ئەو شتانەی کە دەتەوێت بیڵێیت.
4. دانانی پلانی هەنگاوەکانی داهاتووی:
یەکێکی تر لە ئادابەکانی جیابوونەوە لەگەڵ کەسێک کە خۆشت دەوێت ئەوەیە، پلانی هەنگاوەکانی داهاتووتان دابنێن. بەبێ گوێدانە ئەوەی کە پێت وایە گفتوگۆکەت چەندە دەخایەنێت، پلان دابنێ دوای کۆتایی هاتنی گفتوگۆکە چی بکەیت لە داهاتوودا. بەزۆری ئەمە قورسترین بەشە لە جیابوونەوە لەگەڵ کەسێک کە هێشتا خۆشت دەوێت. کاتێکە کە هەردوو لایەن هەست بە تەنیایی و لاوازی دەکەن. جا حەمامێکی گەرم بێت، گریان بە تەنیا، یان قسەکردن لەگەڵ هاوڕێیەکت، پێویستە پێشوەختە پلانێکی ڕوونت هەبێت بۆ ئەوەی لە دۆخێکی ئاوا سەختدا چی دەکەیت.
ڕەنگە گرنگترین خاڵ لە هەموویان ئەوە بێت که پەیوەندی بەو کەسەوە مەکە کە تازە لێی جیابویتەوە. بە شێوەیەکی ئایدیاڵ مۆبایلەکەت بکوژێنیتەوە بۆ ئەوەی تووشی وەسوەسە نەبیت کە نامە بۆ کەسی بەرامبەر بنێیت، یان ئەگەر نامەیان بۆ ناردیت، نابێت وەڵام بدەیتەوە. ئەگەر هەموو شتێک بە باشی بەڕێوەچوو و هیچ شتێک بە هەڵەدا نەچوو، هیچ کێشەیەکی نییە دوای چەند ڕۆژێک تەلەفۆن بۆ کەسی بەرامبەر بکەیت بۆ ئەوەی بزانیت دۆخی چۆنە، چونکە دوای ماوەیەک هەستەکان زۆر گەرم نابن.
چۆن لە هاوسەرەکەمان جیا ببینەوە؟
جیابوونەوە لە هاوسەر یەکێکە لە هەستیارترین کارەکان و دەبێت بە ڕێزگرتنی یەکترەوە ئەنجام بدرێت. ڕەنگە ئەمە سەختترین دۆخ بێت کە خۆت تێیدا ببینیتەوە چونکە بە سادەیی ناتوانیت یەکسەر لە ژیانی یەکتر دەربچیت. کاتێک فەزایەک لەگەڵ هاوبەشەکەتدا هاوبەش دەکەیت، زۆر گرنگە پلانێکی وردت هەبێت بۆ هەر هەنگاوێکی پرۆسەی کۆتایی هێنان بە پەیوەندی بۆ ئەوەی تا دەتوانیت دەرئەنجامەکانی کەم بکەیتەوە.
1. دابین کردنی شوێنێکی تر بۆ ژیان:
شوێنێکی تر بۆ ژیان دابین بکە. ئەگەر بە تەواوی دڵنیای لەوەی شتەکان لە نێوان تۆ و هاوبەشەکەتدا کۆتایی هاتووە، پێش ئەوەی قسەی لەگەڵ بکەیت سەبارەت بە جیابوونەوەکە، شوێنێکی نوێ بدۆزەرەوە بۆ ژیان. بەم شێوەیە پێویست ناکات بۆ ماوەیەک لە دۆخێکی زۆر ناڕەحەت و ئازاربەخشدا پێکەوە بژین.
ڕەنگە پلاندانان پێشوەختە لە سەرەتادا زۆر حیسابکردن و ڕەفتارێکی سارد دەرکەوێت، بەڵام تاکە بژاردەیە کە یارمەتی هەردوو لایەن دەدات لە درێژخایەندا بە شێوەیەکی عەقڵانی ڕەفتار بکەن. بیرۆکەیەکی زۆر باشە کە وادەیەکی دیاریکراو دابنێیت تا ئەو کاتەی کە پێویستە شوێنێکی نوێ بدۆزیتەوە. ئەمەش پڕۆژەیەکی دەروونی نوێ دیاری دەکات بۆ ئەوەی سەرنجی لەسەر بدەیت بۆ ئەوەی سەرقاڵت بکات لە ئازاری کۆتایی هێنانی پەیوەندییەکە.
2. بە ئاشکرا و ڕاستگۆیانە باسی پرسە کێشەدارەکان کردن:
بە ئاشکرا و ڕاستگۆیانە باسی پرسە کێشەدارەکان بکە. بەبێ گوێدانە ئەوەی کە ئایا کێشەکە ئەوەیە کە چیتر دڵخۆش نین بە ژیانی پێکەوەییتان یان هاوبەشی ژیانتان بە فێڵکردن متمانەی ئێوەی شکاندووە، جیابوونەوە لەگەڵ هاوبەشی ژیانت پێویستی بە گفتوگۆیەکی کراوە و ڕاستگۆیانە هەیە. هاوسەرەکەت ئەو کەسەیە کە تا ئەم خاڵە ژیانت لەگەڵدا هاوبەش کردووە، بۆیە شایەنی گفتوگۆیەکی ڕاستگۆیانە و کراوەیە کە بۆچی پەیوەندییەکەتان کۆتایی هاتووە.
3. دابەش کردنی کەلوپەلەکانتان:
ئادابەکانی جیابوونەوە بە دابەشکردنی کەلوپەلەکانتان جێبەجێ بکە. زۆرجار پێکەوە ژیان بەو مانایەیە کە تۆش کەلوپەل و دارایی خۆت لەگەڵ هاوسەرەکەتدا هاوبەش دەکەیت. دوای قسەی سەرەتایی سەبارەت بە کۆتایی هێنان بە پەیوەندییەکە، کاتێک شتەکان کەمێک ئارام بوون، پێویستە قسەیەکی تر لەگەڵ یەکتر بکەن سەبارەت بە هاوبەشکردنی ئەو شتانەی کە هەردووکتان لە ماوەی ژیانتان پێکەوە هاوبەش بوون.
ئەو شتانەی پێکەوە دەیانهێنیتە ژیانتەوە هی خۆتانە، بەڵام ئەو شتانەی پێکەوە کڕیوتانە دەبێت بە یەکسانی دابەش بکرێن. ئەمەش دەتوانێت بە شێوەیەکی ڕستەیی بریتی بێت لە وەرگرتنی نیوەی کەلوپەلەکانت، یان تەنها ئەو شتانەی کە زۆرترین بەهای سۆزدارییان هەیە بۆت.
چۆن بە نامە ناردن لە دەزگیرانەکەمان جیا ببینەوە؟
هەرچەندە زۆرجار جیابوونەوە بە شێوەی کەسی و قسەکردنی ڕووبەڕوو باشترین بژاردەیە، بەڵام هەندێکجار تاکە بژاردەت ئەوەیە کە لە ڕێگەی نامەی کورتەوە ڕایبگەیەنیت بەڵام ئەمەش ئادابەکانی جیابوونەوەی تایبەتی خۆی هەیە. ئەمە بژاردەیەکی زۆر باشە بۆ ئەو کەسانەی هاوبەشی ژیانیان لە ڕووی سۆزدارییەوە ناجێگیرە یان تەنانەت بۆ ئەو کەسانەی هەست بە ئاسوودەیی ناکەن ڕووبەڕوو قسە بکەن.
1. پەیامەکانت زۆر کورت نبن:
یەکێک لە ئادابەکانی جیابوونەوە لە دەزگیران ئەوەیە، نابێت پەیامەکانت زۆر کورت بن. ناردنی پەیامێکی سادە بە تەوەرەی: «پەیوەندیەکەمان کۆتایی هاتووە!» لەوانەیە لە مێشکتدا وەک بیرۆکەیەکی باش دەرکەوێت، بەڵام لە پراکتیکدا ڕەفتارێکی زۆر دڕندەیە. بە دڵنیاییەوە دەتوانیت کەمێک زیاتر لەم بارەیەوە بۆ هاوبەشەکەت ڕوون بکەیتەوە، یان لانیکەم قسەکانت بە وردی هەڵبژێریت.
بەڵام پێویستە خۆت بەدوور بگرێت لە زۆر وردەکاری و لیستکردنی هەموو ئەو هۆکارانەی کە بۆچی ناتەوێت لەگەڵ ئەم کەسەدا بیت. تەنانەت ئەگەر مەبەستت باش بێت، وتنی هەموویان دەتوانێت تا ڕادەیەک خۆبەزلزانین بێت.
2. پەیوەندی نەکردن لەگەڵ لایەنی بەرامبەر:
پەیوەندی لەگەڵ لایەنی بەرامبەردا مەکە. جیابوونەوە لە کەسێک بە نامەی کورت دەتوانێت بە خێرایی ببێتە هۆی تێنەگەیشتن، چونکە ڕەنگە خەڵک لەوە تێنەگەن کە مەبەستت چییە و گفتوگۆکە لایەنگری دەکات.
لە ڕاستیدا ڕەنگە کەسی بەرامبەر هەوڵی ئەوە بدات گفتوگۆکە لە ڕێڕەو دەربهێنێت یان لەگەڵتدا موناقەشە بکات، چونکە هەست دەکات هەستەکانی ئازاری هەیە. هەرچەندە ئەم جۆرە ڕەفتارانە وەڵامێکی چاوەڕوانکراوە لەلایەن لایەنی بەرامبەرەوە لە کاتی جیابوونەوەدا، بەڵام بە دڵنیاییەوە ئەوە بەو مانایە نییە کە پێویستە پەیوەندییان پێوە بکەیت.
بەڵکو پێشنیار بکە کە بە خستنەڕووی هۆکارێکی ڕوون بۆ جیابوونەوەتان، کۆتایی بە گفتوگۆکە بهێنن. هەوڵبدە خۆت زۆر دووبارە نەکەیتەوە. هەندێک کەس هەر شتێک دەڵێن بۆ ئەوەی گفتوگۆکە بەردەوام بێت، کە تەنها دەتوانێت لە سووڕێکی خراپتری دووبارەبوونەوەدا کۆتایی پێبێت کە دوورە لە داب و ئادابەکانی جیابوونەوە.
کاتێک خاڵەکەت خستەڕوو و دیاریت کرد کە بابەتەکەت ڕووماڵ کردووە و هۆکارەکانت ڕوون کردووەتەوە، ئازادانە لە گفتوگۆکە دەربکەون. جا چ دانانی مۆبایلەکەت بێت بە بێدەنگ یان بلۆککردنی کەسەکە ئەگەر نامەیەکی زۆرت بۆ دێت، ئەوەت لەبیربێت ئەگەر هۆکارەکانت مەعقول و دروست بوون، ئەوا تۆ هیچ قەرزاری ئەو کەسە نیت.
3. دووبارە خوێندنەوەی نامەکانت پێش ناردن:
پێش ناردنی نامەکانت دووبارە بخوێنەرەوە. توانای مۆبایلە زیرەکەکان بۆ ڕاستکردنەوەی وشەکان و هەڵەکانی ڕێنووسی بە شێوەیەکی ئۆتۆماتیکی دەتوانێت هەر دەقێک بە خام و بێ بیرکردنەوە دەربخات، بەڵام ئەمە لە هەموو کاتێک زیاتر ڕاستە کاتێک باس لە دەقەکانی جیابوونەوە دەکرێت. ئەگەر ناتەوێت بە هەڵە لەو کەسە تێبگەیت کە لەگەڵیدا جیا دەبیتەوە و ئاڵۆزتری بکەیت لەوەی کە ئێستا هەیە، پێش ناردنی نامەی کورت دووبارە بیخوێنەرەوە.
چۆن لە کەسێک کە تازە ناسیوتە جیا ببیتەوە؟
تەنانەت لەکاتی کۆتایی هێنان بە پەیوەندی لەگەڵ کەسێک کە تازە ناسیوتە، دەبێت ئادابەکانی جیابوونەوە پەیڕەو بکرێت. هەندێک جار پەیوەندییەکان پێش ئەوەی تەنانەت دەست پێبکەن کۆتایی دێت. لە زۆر حاڵەتدا ئەمە شتێکی ئاساییە چونکە جیاوازی بنەڕەتی لە نێوانتاندا هەیە، بەڵام بەڕاستی دەتوانێت قورس بێت گوێگرتن لەم هەواڵە بۆ ئەو کەسەی بەرامبەر کە پێیوابوو داهاتوویەکتان پێکەوە هەیە.
1. جیابوونەوە لە فەزای گشتیدا:
یەکێک لە ئادابەکانی جیابوونەوە لە کەسێک کە تازە ناسیوتە ئەوەیە، لە فەزای گشتیدا ئەم کارە بکە. بەو پێیەی ئاستی ئینتیمای نێوانتان بە ئەگەرێکی زۆرەوە لە ئاستی پەیوەندی خۆشەویستی و پەیوەندی کۆمەڵایەتی کازۆئال تێنەپەڕیوە، ڕەنگە باشترین ڕێگە بۆ ڕاگەیاندنی کۆتایی هێنان بە پەیوەندییەکە ئەوە بێت کە لە شوێنێکی گشتیدا باسی بکەیت.
بەزۆری ڕێکەوتێک لە قاوەخانەیەک یان پیاسەکردن لە پارکێکدا دەتوانێت ڕێگەیەکی باش بێت بۆ ئەنجامدانی ئەم کارە، چونکە زۆری پێناچێت بۆ ڕاگەیاندنەکە، وە باشترە لەوەی بەدرێژایی شەو لە چێشتخانەیەکدا گیر بخۆیت. پێویستە ڕاستگۆ بیت لەوەی کە بۆچی پێتوایە شتەکان لە نێوانتاندا بە باشی ناڕۆن، و بە شێوەیەکی ئایدیاڵ لە سەرەتای ڕێکەوتەکەدا. ئەمەش کاتێکی پێویست دەدات بۆ قسەکردن لەسەر لایەنە جیاوازەکانی کێشەکە.
2. دەست پێ نەکردنی ڕستەکانت بە «تۆ»:
ڕستەکانت بە «تۆ» دەست پێ مەکە. شتێکی ئاساییە حەزت لە کەسێک نەبێت، بەڵام هەر دەبێت لە کاتی جیابوونەوە لەگەڵیدا بە وردی وشەکانت هەڵبژێریت و ڕێزی لەدەست نەدەیت. دوور بکەوەرەوە لە دەستپێکردنی ڕستەکانت بە «تۆ» چونکە ناتەوێت زۆر ئازاری بەرامبەرەکەت بدەیت.
ئەمەش دەبێتە هۆی ئەوەی کەسەکە هەست بکات هێرش دەکرێتە سەری تەنانەت ئەگەر مەبەستت ئەوە نەبێت، یان وا بکات هەست بکات کە تۆ هەوڵی ئەوە دەدەیت پێی بڵێیت شتێک لە ڕەفتار یان کەسایەتییەکەیدا هەڵەیە. بەڵکو هەوڵبدە زیاتر لێدوانی گشتی بەکاربهێنیت کە لۆمە بخەنە سەر دۆخەکە و کەمتر لۆمە بخەنە سەر کەسێک.
3. بە هێواشی پاشەکشە کردن:
بە هێواشی پاشەکشە بکە. بەو پێیەی تازە کەسی بەرامبەرت ناسیوە و پەیوەندییەکەتان ڕەهەندی سۆزداری لەخۆناگرێت، دەتوانیت بە شێوەیەکی ناڕاستەوخۆ ئەو پەیامە بۆ کەسی بەرامبەر بنێریت کە بەڕاستی ئارەزووی پەیوەندییەکە ناکەیت و با هەموو شتێک خۆی دەربچێت.
دەتوانیت ئەمە بکەیت بە درەنگ وەڵامدانەوەی نامەکانی یان پلان نەکردن بۆ ئەوەی بەم زووانە چاوت پێی بکەوێت و بەردەوام بەروارەکەت دوابخەیت. ئەگەر هاوبەشی ژیانت لە ڕووی سۆزدارییەوە ئەوەندە زیرەک بێت، ئەوا تێدەگات کە تۆ حەزت لێ نییە و کەمتر پەیوەندی دەکا.
ئەنجام:
وەک دەبینین کۆتاییهێنان بە هەر پەیوەندییەک مەحاڵ نییە، بە مەرجێک بزانیت چۆن بە دروستی ئەنجامی بدەیت و وە ڕەچاوی ئادابەکانی جیابوونەوە بکەی. گرنگترین شت کە لەم بارودۆخانەدا لەبیرت بێت ئەوەیە کە ئەو کەسەی لەگەڵیدا جیا دەبیتەوە هێشتا شایەنی خۆشەویستی و ڕێزگرتنە. ئەم دۆخانە بۆ هیچ کام لە لایەنەکان دڵخۆشکەر نین، بەڵام هیچ هۆکارێک نییە بۆ ئەشکەنجەدانی خۆت.
ئەگەر هەر ئەزموونێکتان هەیە لەم بارەیەوە، بە خۆشحاڵیەوە ڕای ئێوە دەبیستم. بە ئەنجامدانی ئەم کارە، دەتوانیت یارمەتی ئەوانی دیکەش بدەیت کە بڕیاریان داوە بە هەر هۆکارێک کۆتایی بەم پەیوەندییە بهێنن بۆ ئەوەی باشتر لە ئادابەکانی جیابوونەوە تێبگەن.
