ئایا دەزانی ڕێگاکانی باشترکردنی پەیوەندی دوای شەڕ و پێکدادان چین؟ ئایا لەم دواییانەدا لەگەڵ هاوسەرەکەت شەڕت کردووە؟ دەبێ زۆر لێی ناڕەحەت بیت و وا بیر بکەیتەوە کە بە نا میهرەبان بینیوتە. یەکێک لە ناخۆشترین هەستەکان کە مرۆڤەکان دەتوانن لە ژیانیاندا هەستی پێبکەن، بێهیوابوون و شەڕکردنە لەگەڵ هاوسەرەکەی. ئەگەر بەم دواییە شەڕت لەگەڵ هاوسەرەکەتدا هەبووە، لەوانەیە لە ئێستادا توڕە بیت، نائومێد بیت یان دڵتەنگ بیت و نەزانیت چۆن کاردانەوەت هەبێت.
ئەگەر دەتەوێت دوای شەڕ یان ناڕەحەتی پەیوەندیت لەگەڵ هاوسەرەکەت باشتر بێت و ئارامی بگەڕێتەوە بۆ ژیانت، گرنگی بەو خاڵانە بدە کە لەم بابەتەدا ئاماژەیان پێکراوە.
ئامۆژگاری بۆ باشترکردنی پەیوەندی دوای شەڕ لەگەڵ هاوسەر:
کاتێک لەگەڵ هاوسەرەکەت دەمەقاڵە دەکەیت، هەست بە ناخۆشی دەکەیت. ئەم هەستانە بە تەواوی ئاسایین. بۆ ئەوەی بتوانیت بە باشی بەو جۆرە قەیرانانەدا تێپەڕیت و زیان بە پەیوەندییەکەت نەگەیەنیت، پێویستە هەندێک ستراتیژی بزانیت. هەندێک لە ستراتیژییە گرنگەکان کە چارەسەرن بۆ باشترکردنی پەیوەندی دوای شەڕ و دەتوانن یارمەتیت بدەن لەم دۆخەدا بریتین لە:
1. ماوەیەک بدە بە خۆت و هاوسەرەکەت:
دوای هەر شەڕ و دەمەقاڵەێک هەستەکان بەرز ڕادەکەن. لەوانەیە تۆ یان هاوسەرەکەت دەمارگیر بن، دڵتەنگ بن، یان تەنانەت سەرتان لێ شێواوە. لەم دۆخەدا باشتر وایە خۆتان لە یەکتر دوور بکەونەوە و کات بدەن بە یەکتر تا ئارام ببنەوە. ئەمەش بە واتای دوورکەوتنەوەیەکی کاتی لە مشتومڕەکە، نەک ڕاکردن لە کێشەکە. ئەم دەرفەتە بدە بە خۆت و هاوسەرەکەت بۆ ئەوەی بیرکردنەوە و هەستەکانت یەکلایی بکەنەوە.
ئایا دەزانی بۆچی گرنگە دوای دەمەقاڵە پشوویەک بدەیت؟ ڕەنگە بۆ ئێوە شتێکی سەرسوڕهێنەر بێت، بەڵام ئەم دوورییە لە بەرژەوەندی هەردووکتاندایە. چونکە دوورکەوتنەوە یارمەتیدەرە بۆ کەمکردنەوەی توندی توڕەیی و فەزای دەروونی بۆ بیرکردنەوەی عەقڵانی دابین دەکات. لە ساتەکانی سترێسدا مێشکمان لەبری ئەوەی بڕیاری عەقڵانی بدەین، کاردانەوەی سۆزداریی هەیە.
2. پێکەوە باسی کێشەکان بکەن:
قسەکردن لەگەڵ هاوسەرەکەت گرنگترین ڕێگایە بۆ باشترکردنی پەیوەندی دوای شەڕ و دەمەقاڵە و بۆ چارەسەرکردنی کێشەکە. باشترە لە ژینگەیەکی ئارام و بێ سترێسدا لەگەڵ هاوسەرەکەت باسی ئەو بابەتە بکەیت کە بووەتە هۆی شەڕەکە. هەوڵبدە لەبری ئەوەی یەکتر تاوانبار بکەن، سەرنجت لەسەر کێشەکە بێت. بۆ پەیوەندی کاریگەر دەبێت پابەند بیت بە هەندێک یاسا، کە بریتین لە:
- گوێگرتنی چالاک: کاتێک هاوسەرەکەت قسە دەکات، بە وردی گوێ لە قسەکانی بگرە لەبری ئەوەی بیر لە وەڵامی داهاتوو بکەیتەوە کە بۆت ئامادە کردووە.
- دوورکەوتنەوە لە تاوانبارکردن: هەوڵبدە خۆت لە لێدوانەکانی وەک “تۆ هەمیشە…” یان “هەرگیز…” بەدوور بگرێت.
- بەکارهێنانی وتەی “من”: لەبری ئەوەی هاوسەرەکەت تاوانبار بکەیت، ڕستەکانت بە “هەست دەکەم…” دەستپێبکە بۆ ئەوەی بەرپرسیارێتی هەستەکانت لە ئەستۆ بگرێت.
3. ڕاستگۆیانە هەستەکانت دەرببڕە:
هەندێک جار، دەتوانرێت شتەکان لە ئارگومێنتێکدا بگوترێ کە لە ڕاستیدا ڕەنگدانەوەی هەستکردنت نییە. دوای ئەوەی ئارام بوویتەوە، باشتر وایە بە تەواوی ڕاستگۆ بیت سەبارەت بە هەستە ڕاستەقینەکانت. بۆ نموونە ئەگەر وتت “نامەوێت چیتر بتبینم”، ئێستا دەتوانیت ڕوونی بکەیتەوە کە تەنها توڕە بوویت و بەڕاستی هەستت بەو جۆرە نەکردووە. کاتێک ڕاستگۆ بیت لەگەڵ هاوبەشی ژیانت، متمانە گەشە دەکات. ڕاستگۆیی ئەو پەیامە بۆ هاوبەشی ژیانت دەنێرێت کە تۆ بەهای پەیوەندییەکەت دەدەیت و ئامادەیت بۆ چارەسەرکردنی شتەکان.
4. پراکتیزەکردنی هاوسۆزی:
یەکێک لە گرنگترین هۆکارەکانی باشترکردنی پەیوەندی دوای شەڕ، هاوسۆزییە. هاوسۆزی واتە هەوڵدان بۆ بینینی جیهان لە ڕوانگەی هاوبەشەکەتەوە و تێگەیشتن لە هەستەکانی. ئەمەش یارمەتیت دەدات باشتر مامەڵە لەگەڵ کێشەکان بکەیت و چارەسەرێکی گونجاو بدۆزیتەوە. یەکێک لە یاساکانی هاوسۆزی ئەوەیە کە تۆ حوکم لەسەر هاوبەشەکەت نەدەیت لەسەر ئەو بابەتە کە بێزاریان دەکات یان وای لێدەکەیت بچووک یان بێ بایەخ دەرکەوێت. پێش هەر کاردانەوەیەک لە خۆت بپرسە: «ئەگەر من ئەو بومایە هەستم چۆن دەبوو؟» ئەمەش یارمەتیت دەدات لەبری حوکمدان بە هاوسۆزی وەڵام بدەیتەوە.
5. گرنگیدان بە خاڵە بەهێزەکانی پەیوەندییەکە:
دوای هەموو شەڕێک لەگەڵ هاوبەشی ژیانت، لەوانەیە هەست بکەیت پەیوەندییەکەتان تێکچووە، بەڵام لە ڕاستیدا ئەمە وا نییە. باشترین ڕێگا بۆ مامەڵەکردن لەگەڵ ئەم هەستە نەرێنیانە ئەوەیە کە سەرنجت لەسەر خاڵە بەهێزەکانی پەیوەندییەکە بێت. لەبری ئەوەی بیر لە کێشەکان بکەیتەوە، خۆت بیر بخەرەوە کە بۆچی یەکترتان خۆشدەوێت و چی پەیوەندییەکەتان تایبەت دەکات. کاتێک سەرنجت لەسەر خاڵە بەهێزەکانی پەیوەندییەکەتان دەبێت، خۆت بیردەخەیتەوە کە بۆچی بەنرخە. ئەمەش یارمەتیت دەدات کێشەکانی ژیان وەک تەحەددایەک بۆ باشتربوون ببینیت، نەک هۆکارێک بۆ جیابوونەوە. ئەمەش ڕێگەیەکی باشە بۆ باشترکردنی پەیوەندی دوای شەڕ و دەمەقاڵە.
6. چارەسەرکردنی کێشەی هاوبەش:
یەکێک لە ڕێگا کاریگەرەکان بۆ باشترکردنی پەیوەندی دوای شەڕ، پێکەوە کارکردنە بۆ دۆزینەوەی چارەسەرێک بۆ کێشەکە. لەبری ئەوەی بەدوای کەسێکدا بگەڕێن بۆ تاوانبارکردن، پێکەوە بەدوای چارەسەرێکدا بگەڕێن بۆ کێشەکە. ئەمەش ئەوە دەردەخات کە هەردوولا ئامادەن پێکەوە کێشەکان چارەسەر بکەن و دەرفەتێک بدەن بە پەیوەندییەکەتان بۆ باشتربوون. بۆ ئەوەی بتوانن پێکەوە کێشەکە چارەسەر بکەن، پێویستە ئەمانەی خوارەوە لەبەرچاو بگرن:
- پێویستە هەردوو لایەن بە ڕوونی لە کێشەکە تێبگەن و قبوڵی بکەن.
- لەبری ئەوەی جەخت لەسەر هەڵەکانی ڕابردوو بکەیتەوە و پێداچوونەوەیان بۆ بکەیت، بەدوای ڕێگایەکدا بگەڕێ کە یارمەتیدەر بێت بۆ باشترکردنی دۆخەکە.
- پێویستە هەردوولا هەندێک بەرپرسیارێتی کێشەکە قبوڵ بکەن و هاوکار بن لە چارەسەرکردنیدا.
7. بنیاتنانەوەی متمانە دوای شەڕ:
هەندێک جار، شەڕی نێوان خۆت و هاوسەرەکەت زیان بە متمانەی نێوان ئێوەی دوو کەس دەگەیەنێت. ئەگەر هەست دەکەیت ئەمە بەسەر تۆ و هاوسەرەکەتدا هاتووە، پێویستە بە جددی کار لەسەر بنیاتنانەوەی متمانە بکەیت. ئەم پرۆسەیە کات و سەبر و ماندووبوونی دەوێت. کاتێک بەڵێن دەدەیت، دڵنیابە کە جێبەجێی دەکەیت بۆ ئەوەی نیشان بدەیت کە متمانەپێکراویت. بە تێپەڕبوونی کات بە ڕاستگۆیی لە کردار و قسەکانتدا، ئەو متمانەیەی کە لەدەستتداوە، دووبارە بنیات دەنێیتەوە.
8. بەکارهێنانی نوکتە بۆ کەمکردنەوەی گرژی:
هەندێک جار باشترین ڕێگە بۆ کەمکردنەوەی گرژی دوای شەڕ، پێکەنینە لەسەری. نوکتە دەتوانێت یارمەتی تۆ و هاوبەشی ژیانت بدات کە سترێسی شەڕەکە کەم بکەنەوە و بە شێوەیەکی ئەرێنیتر سەیری شتەکان بکەن. ئەمەش ڕێگەیەکی باشە بۆ باشترکردنی پەیوەندی دوای شەڕ و دەمەقاڵە بەڵام پێویستە وریا بیت هەموو شتێک وەک گاڵتە وەرنەگریت.
9. بەباشی ئاگاداری خۆت بە:
کاتێک تۆ و هاوبەشەکەت دەمەقاڵەتان هەیە، واز لە تاوانبارکردنی خۆت بێنه. لەبیرت بێت کە تۆ کەسێکی بەنرخیت و بە کەمێک ناڕەزایی و دەمەقاڵە بەهاکەت بۆ هاوبەشی ژیانت لەدەست نادەیت. باشتر وایە لەم ماوەیەدا گرنگی بە خۆراک و خەوتنت بدەیت بۆ ئەوەی وزەی پێویستت هەبێت بۆ چارەسەرکردنی ئەو تاڵانەی کە سەریهەڵداوە.
10. داوای لێبوردن بکە بۆ ڕۆڵی خۆت لە شەڕەکەدا:
بۆ باشترکردنی پەیوەندی دوای شەڕ و بۆ ئەوەی ئاشت ببنەوە و بگەڕێنەوە بۆ ڕۆژە خۆشەکانی پەیوەندییەکەتان، پێویستە هەردووکتان داوای لێبوردن بکەن. پێی بڵێ کە هەست بە خراپیی دەکەیت بەرامبەر بەو شتەی کە ڕوویداوە و لە داهاتوودا شتەکان باشتر دەبن. پاشان گوێ بگرن کە چۆن هەست دەکات سەبارەت بەو دۆخە. لەم خاڵەدا دەتوانیت بڵێیت:
- بەڕاستی ببورە کەمێک زۆر بە دەنگی بەرز قسەم کرد. لە داهاتوودا هەوڵ دەدەم بە هێمنیتر قسەتان لەگەڵ بکەم.
- ببورە کە توڕە بووم کاتێک پێویستت بە بەسەربردنی کات بوو لەگەڵ هاوڕێکانت. هەستم بە تەنیایی دەکرد، بەڵام جاری داهاتوو لەبری ئەوەی داوات لێبکەم پلانەکانت هەڵبوەشێنیتەوە، تەلەفۆن بۆ هاوڕێکانم دەکەم.
- بەڕاستی ببورە کە توڕە بووم. دەبوو پێت بڵێم کە پێویستم بە هەندێک کات بوو بۆ تەنیایی.
11. بەکارهێنانی ڕاوێژکاری هاوسەران:
ئەگەر هەستت کرد شەڕەکانت زۆر ڕوودەدات و توانای چارەسەرکردنت نییە، باشتر وایە داوای یارمەتی لە ڕاوێژکارێک بکەیت بۆ باشترکردنی پەیوەندی دوای شەڕ. ڕاوێژکاری دەتوانێت یارمەتیتان بدات تو و هاوسەرەکەت فێری ئامرازە پێویستەکان ببن بۆ مامەڵەکردن لەگەڵ کێشەکان و باشترکردنی پەیوەندییەکانتان.
ئەنجام:
کاتێک لەگەڵ هاوسەرەکەت شەڕ و دەمەقاڵە دەکەیت، خراپترین هەستەکانت بۆ دروست دەبێت. لەم حاڵەتەدا واباشترە کەمێک دووری بکەیتەوە و کات بەخۆت بدەیت بۆ ئەوەی کۆنتڕۆڵی هەستەکانت بکەیت و لەگەڵ هاوسەرەکەت لەکاتی هێوربوونەوەتدا باسی ئەو کێشەیە بکەیت کە سەریهەڵداوە. ئەو ستراتیژانەی لەم بابەتەدا باسکراون یارمەتیت دەدەن بۆ باشترکردنی پەیوەندی دوای شەڕ و دەمەقاڵە لەگەڵ هاوسەرەکەت و نەهێشتنی ئەو ناڕەحەتییە.
تا ئێستا لەگەڵ هاوسەرەکەت دەمەقاڵەت کردووە؟ چارەسەری ئێوە بۆ باشترکردنی پەیوەندی دوای شەڕ چییە؟ ئەگەر ئەو چارەسەرەی کە دەیگرنەبەر بۆ چارەسەرکردنی ئەو لێکتێگەیشتنە لەگەڵ هاوسەرەکەتدا لەم بابەتەدا باس نەکراوە، بە خۆشحاڵیەوە ئەزموونەکانتان لەگەڵ ئێمەدا باس بکەن.
