مێدیتەیشنی مانگی پڕ| چۆنیەتی ئەنجامدانی و 8 سودەکەی

ئایا مێدیتەیشنی مانگی پڕ دەکەیت؟ لە زۆرێک لە کولتوورەکاندا مانگی پڕ سەردەمی هێزێکی گەورەیە و پەیوەستە بە سیحر و وزە عیرفانییەکانەوە. مانگی پڕ لە مێژوودا کاتێک بووە بۆ ئاواتخوازی و تێڕامان و دەرخستنی ئارەزووەکان. دەوترێت لە کاتی مانگی پڕدا، پەردەی نێوان جیهانی بینراو و نەبینراو دەگاتە تەنکترینی خۆی، ئەمەش وا دەکات پەیوەندیکردن بە کایەی ڕۆحییەوە ئاسانتر بێت. لە خوارەوە زیاتر دەربارەی مێدیتەیشنی مانگی پڕ فێر دەبین و چۆنیەتی ئەنجامدانی و سوودەکانی ڕوون دەکەینەوە.

مێدیتەیشنی مانگی پڕ چییە؟

مێدیتەیشنی مانگی پڕ ڕێگەیەکی باشە بۆ دەستخستنی وزە ڕۆحییەکان. لەم ڕۆژەدا مرۆڤەکان لە ناوچە جیاجیاکانی جیهان کۆدەبنەوە بۆ دروستکردنی پەیوەندییەک لە نێوان ئاسمان و زەویدا. بە بەکارهێنانی مێدیتەیشنی مانگی پڕ، دەتوانیت وزەی ئارامکەرەوە و گۆڕینی مانگ بەکاربهێنیت و خۆت ئامادە بکەیت بۆ قبوڵکردن و وەرگرتنی هێزی مانگ لە ڕێگەی مێدیتەیشنەوە. بەم کارە وزەی مانگ بۆ چاکبوونەوەی سۆزداری و ڕۆحی خۆت بەکاردەهێنیت.

مێدیتەیشنی مانگی پڕ بەزۆری بە چەند ساتێک لە بێدەنگی دەست پێدەکات. بەم شێوەیە مێشکت پاک دەکاتەوە و لەگەڵ وزەی مانگدا هاوتەریبت دەکات. پاشان دەتوانیت سەرنجت لەسەر ئەزموونی مانگی پڕ و ڕووناکی و وزە و بوونی، بە بینینی ڕێنمایی کراو بێت. بە بەکارهێنانی ئەم بینینە دەتوانیت تێگەیشتن و ڕوونی و ئارامی دەروونی بەدەست بهێنیت. لە کۆتاییدا مێدیتەیشنەکە بە چەند ساتێک لە پێزانین کۆتایی دێت، خۆشەویستی و سوپاسگوزاری دەنێرێت بۆ وزەی مانگی پڕ.

مانگی پڕ دەرفەتێکە بۆ دوعاکردن و وەرگرتنی زۆری و نیعمەت بە دڵێکی کراوە. ئەگەر دەتوانی لە کاتی مانگی پڕدا هەندێک کات لە دەرەوە بەسەر بەرە بۆ ئەوەی چێژ لە جوانی و شکۆمەندیەکەی وەربگریت. دەستەکانت لە سەرووی سەرتەوە بەرز بکەرەوە بۆ ئەوەی هەست بە خۆشی و بەختەوەری مانگ بکەیت. بەخشندە و میهرەبان بە، هەموو بوونەوەرەکانی سەر زەوی خۆشبوێت، هەروەها خودی زەویش خۆشبوێت. دەستەکانت بخەرە سەر دڵت و با خۆشەویستی قووڵی مانگ پڕت بکات. با ئەم خۆشەویستییە ئیلاهییە هەموو لایەنەکانی جەستەت بگرێتەوە، گەرمی و چاکبوونەوە و وزەی هاوسەنگکردن لەگەڵ خۆیدا بهێنێت.

چۆنێتی ئەنجامدانی مێدیتەیشنی مانگی پڕ:

مانگی پڕ کاتێکی زۆر باشە بۆ ڕاکێشانی هێزە ڕووناکەکانی مانگ. لەم کاتەدا پێویستە دەست بکەیت بە مێدیتەیشن و دروستکردنی بیرکردنەوەیەکی نوێ بۆ ئەوەی بتوانیت هەر شتێک بتەوێت بەدەستی بهێنیت. بۆ دەستپێکردن شوێنێکی گونجاو بدۆزەرەوە کە دیمەنێکی باشی مانگ هەبێت و لە شوێنێکی ئارامدا دابنیشە. چاوەکانت دابخە و بیهێنە بەرچاوت کە تیشکی مانگ دەڕژێتە خوارەوە بۆ ئەو شوێنەی کە لێی و هەموو جەستەت پڕ دەکات. بە درێژایی مێدیتەیشنەکە، پێویستە سەرنجت لەسەر هەناسەت و ئەو نیازەیە بێت کە بۆ داهاتوو داناویت.

لەکاتێکدا ئەم کارە دەکەیت، بیهێنە بەرچاوت کە تیشکی مانگ جەستە و دەروون و ڕۆحت پاک دەکاتەوە. لە کۆتاییدا وردە وردە بیرکردنەوەکانت لەسەر نائاگایی چڕبکەرەوە و چاوەکانت بکەرەوە. چەند کاتژمێرێک پێش و دوای مانگی پڕ ئەم پرۆسەیە دووبارە بکەرەوە. بێگومان شێوازی تریش هەیە بۆ ئەنجامدانی مێدیتەیشنی مانگی پڕ، کە لە خوارەوە ڕوونی دەکەینەوە.

1. مێدیتەیشنی مانگی پڕ لەگەڵ بینین:

ئەم شێوازە مێدیتەیشنێکی سادەی بینین (visualization meditation) کە تێیدا تەنها سەرنجت لەسەر وزەی مانگی پڕ دەبێت. دەتوانیت ئەم مێدیتەیشنە لە ژوورەوە یان دەرەوە لە ژێر تیشکی مانگدا ئەنجام بدەیت. ئەگەر لە ژوورەوە مێدیتەیشن دەکەیت، دەتوانیت مۆمی بۆندار و زەیتی سروشتی بەکاربهێنیت بۆ زیاتر ئیسراحەت. ئاسانترین و باشترین ڕێگا بۆ ئەنجامدانی مێدیتەیشنی مانگی پڕ بە بینین بەکارهێنانی مێدیتەیشنی ڕێنمایی کراوه. دەتوانیت مێدیتەیشنی ڕێنماییکراوی دەرکەوتنی مانگی پڕ (full moon manifestation) یان هەر مێدیتەیشنێکی ڕێنماییکراوی تر بە وزەی مانگەوە بەکاربهێنیت. ڕێگەیەکی دیکە بۆ بەکارهێنانی مانگی پڕ بۆ دەرخستنی ئارەزووەکانت، بەکارهێنانی دووپاتکردنەوەی ئەرێنییە.

2. مێدیتەیشن بە سەیرکردنی مانگ:

لەم جۆرە مێدیتەیشنەدا تەنها سەرنجت لەسەر هەستی بینینەکەتە. لە کاتی مێدیتەیشندا، سەرنجت لەسەر پاراستنی وردبینی بێت نەک تەنها سەرسام بیت بە جوانی مانگ. بەگشتی کاتێک چاومان لە مانگە، لەناو جوانییە سەرسامکەرەکانی تیشکی مانگ و ئەستێرە و سروشتدا ون دەبین. لەکاتێکدا سەرسامیت بە جوانی مانگ، هەروەها سەرنجت لەسەر وزەی مانگ بێت. سەرنج بدەن تیشکی مانگ چۆن هەستت پێدەکات. خۆت لەو وزەیەدا نوقم بکە و هەست بە تیشکی مانگ بکە کە پاکت دەکاتەوە و وزەت پێدەدات.

3. مێدیتەیشنی ڕۆیشتن بە مانگی پڕ:

مێدیتەیشنی ڕۆیشتن جۆرێکە لە مێدیتەیشنی زەینی چالاک. لەم مێدیتەیشنەدا بە گرنگیدان بە جەستەی جوڵاو و ژینگەی دەوروبەرت مێدیتەیشن دەکەیت. هەروەها لەکاتی ڕۆشتنتدا گرنگی بە بەرکەوتنی پێیەکانت لەگەڵ زەوی و گۆڕانکاری لە هەناسەدانتدا دەدەیت. ئەگەر پلانت هەیە مێدیتەیشنی ڕۆیشتن بە مانگی پڕدا بکەیت، دڵنیابە لە سەرەتای ئێواران و کاتێک هەست بە سەلامەتی دەکەیت ئەنجامی دەدەیت. باشتر وایە زوو ئەم مێدیتەیشنە ئەنجام بدەیت، تەنانەت ئەگەر بتەوێت لەسەربانی ماڵەکەت بڕۆن، چونکە وزە و لەرزینەکانی درەنگانی شەو بە غەریزە وا دەکات هەست بە نائارامی بکەیت. هەستکردن بە نائەمنی یان لاوازی دەستوەردان دەکات لە کاریگەرییە ئەرێنییەکانی مێدیتەیشن.

4. مێدیتەیشنی مانگی پڕ بە ئاو:

وەک دەزانن قۆناغەکانی مانگ کاریگەری لەسەر ئاو دەبێت و دەبێتە هۆی گۆڕانکاری لە شەپۆلی زەریاکان و دەریاکاندا. بۆ ئەنجامدانی ڕێوڕەسمی مانگی پڕ بە ئاو، بەم شێوەیە بەردەوام دەبین:

1. ئاو بڕێژە ناو دەفرێکەوە. باشتر وایە دەفرێکی شووشەیی ڕوون بەکاربهێنیت.
2. لەگەڵ پڕکردنەوەی پەرداخەکە لە ئاوی پاکی خواردنەوە، مەبەستەکەت دابنێ.
3. شووشەکە لە شوێنێکی وەک باڵکۆن یان پشت پەنجەرە دابنێ تا تیشکی مانگ بەسەریدا بدرەوشێتەوە. دڵنیابە لە دانانی شووشەکە لە یەک شوێن و بە درێژایی شەو مەیجوڵێنە.
4. دەتوانیت ئامانجەکانت یان مەبەستەکانت لەسەر کاغەزێک بنووسیت و بیخەیتە ژێر پەرداخێک ئاوەوە.
5. کەمێک ئارام بگرە و با شووشەکە هەموو وزە ئەرێنییەکانی مانگ هەڵبمژێت.
6. ئاوەکە بخۆرەوە کە پڕه لە وزەی ئەرێنی مانگ. دەتوانیت بەشێک لە ئاوەکە بهێڵیتەوە و لەگەڵ ئاوی حەمامەکەت تێکەڵ بکەیت.

بەپێی مەبەستەکەت دەتوانیت ئاو بەکاربهێنیت بۆ ڕزگاربوون لە وزە نەرێنییەکانی ناو ماڵەکەت بە ڕشاندنی لە هەموو ماڵەکەتدا.

5. خۆشۆردن لە ژێر مانگی پڕدا:

تیشکی مانگ توانای گەنجکردنەوەی ڕۆحمانی هەیە. لە شەوی مانگی پڕدا جەستەت نوقم بکە لە ئاودا و با برینە کۆنەکان لە تیشکی مانگدا چاک ببنەوە. پێویستە بە دەنگی بەرز مەبەستەکەت بڵێیت و هەموو خانە تێکچووەکان بە چاوی خۆت ببینیت کە چاک دەبنەوە. مانگی پڕ دەرفەتێکی زۆر باشە بۆ وازهێنان لەو شتانەی کە چیتر خزمەتت ناکەن. تەنها لیستێکیان بۆ دروست بکە و بڵێ “وازت لێدەهێنم!”

سوودەکانی مێدیتەیشنی مانگی پڕ:

لە ئەستێرەناسیدا مانگ پەیوەستە بە هەست و غەریزە و عەقڵەوە. مێدیتەیشنی مانگی پڕ یارمەتی دروستکردنی هاوسەنگی دەدات لە نێوان دەروون و جەستە و ڕۆح. لە خوارەوە چەند سوودێکی ئەم مێدیتەیشنە دەخەینەڕوو.

1. بەهێزکردنی پەیوەندیت لەگەڵ ئینتێزیۆن:

مانگی پڕ شەوێکی بەهێزە بۆ دەست لێدان لە ئینتێزیۆم و پەیوەندیکردن بە خودی باڵاتەوە. ئەم جۆرە لە مێدیتەیشن ڕێگەت پێدەدات دەستت بگات بە زانینی ناوەوەت، ئەمەش ڕێنمایی و ڕوونی دەهێنێتە ژیانتەوە.

2. زیادکردنی توانای داهێنان:

وەک چۆن مانگ ئاسمانی شەو ڕووناک دەکاتەوە، دەتوانێت بیرۆکەی داهێنەرانەش ڕووناک بکاتەوە و ئاستەنگەکان لاببات. بە ئەنجامدانی ئەم مێدیتەیشنە دەتوانیت ئیلهام وەربگریت بۆ دروستکردنی هەر پڕۆژەیەکی نوێ یان کارێکی داهێنەرانە کە لە مێشکتدایە.

3. ڕزگاربوون لە گیرانی سۆزداری:

مانگی پڕ کاتێکی زۆر باشە بۆ ئازادکردنی هەر گیرانێکی سۆزداری کە ڕێگریت لێدەکات ژیانت بەو شێوەیە بژیت کە دەتەوێت. وزەی بەرزی مانگ یارمەتیت دەدات واز لە هەرهەستێکی نەرێنی بهێنیت کە ڕێگریت لێدەکات لە ژیاندا بەرەو پێشەوە بچیت. هەروەها ئەم وزەیە یارمەتی چاکبوونەوەی تۆ و پەیوەندییەکانت دەدات.

4. پەیوەندی لەگەڵ گەردوون:

مێدیتەیشنی مانگی پڕ یارمەتیت دەدات پەیوەندییەکی قووڵتر لەگەڵ گەردوون دروست بکەیت. بە پەیوەست بوون بە وزەی مانگی پڕەوە، دەتوانیت خۆت لەگەڵ هێزە گەردوونییەکان ڕێکبخەیت و لە ئامانجی ژیانت تێبگەیت.

5. زیادبوونی خۆئاگاهی:

هەموومان پێمان وایە ئێمە باش لە خۆمان تێدەگەین، بەڵام هەموو شتێک کە تۆ لەبارەی خۆتەوە دەزانیت هەموو ڕاستییەکە نییە. مێدیتەیشن دەتوانێت یارمەتیدەرمان بێت بۆ پەرەپێدانی پەیوەندییەکی قووڵتر لەگەڵ خۆمان و گەڕان بەدوای واقیعی ڕۆحی نەناسراوماندا. بە تێڕامان لە شەوێکی ئاوا نایاب، دەتوانیت زیاتر ئاگاداری بیرکردنەوە و هەستەکانت بیت. ئەمەش یارمەتیت دەدات زیاتر ئاگادار بیت لەوەی کە چۆن کردار و بڕیارەکانت کاریگەرییان لەسەر ژیانت هەیە.

6. یارمەتیدان لە پاککردنەوەی قووڵتر:

سەرکەوتن و شکست بە تەواوی بابەتیین. سەیرکردنی ژیان لە پەنجەرەی بێ پەردەییەوە جێگەی سەرنجە. مێدیتەیشنی مانگی پڕ شایستەترین ڕێگایە بۆ گەیشتن بەم حاڵەتە. ئەم مێدیتەیشنە یارمەتیدەرە بۆ پاککردنەوەی تێڕوانین و هەستە هەڵەکان سەبارەت بە خۆت و چاوت پێدەبەخشێت بۆ بینینی خودایی لە هەموو دەوروبەرت.

7. یارمەتیدان بۆ پاککردنەوەی ئاورا یان کێڵگەی وزە (Aura):

ئاورای تۆ ڕەنگدانەوەی کەسایەتی تۆیە. تا ئێستا بیرت لەوە کردۆتەوە کە ئەوانی تر چۆن دەتبینن؟ کاریگەری ئاورا ڕێنماییت دەکات بەرەو کەسانی هاوشێوە. بۆ نموونە ئەگەر ئاورایەکی ڕەشبینانەت هەبێت، مرۆڤ و بارودۆخی نەرێنی بۆ ناو ژیانت ڕادەکێشیت. باشترین کات بۆ پاککردنەوەی ئاورا لە کاتی مانگی پڕدایە. پاککردنەوەی ئاورا یارمەتی لابردنی هەر گیرانێک دەدات کە دەتوانێت تەندروستیت لاواز بکات، ئەمەش دەبێتە هۆی باشترکردنی تەندروستی گشتی.

8. هاندانی چاکرای تاج:

بەزۆری مێدیتەیشنی مانگی پڕ یارمەتی چالاککردنی چاکرای تاج دەدات و بڕێکی زۆر وزە ئیلاهییەکان دەهێنێتە ناو جەستە. وزەی ئیلاهی لە بنەڕەتدا خۆئاگادارە و جەستەمان لە هەموو شتە نەرێنی و خراپەکان پاک دەکاتەوە.

کەی مێدیتەیشن لە مانگی پڕدا مەترسیدارە؟

پێویستە لەم حاڵەتانەی خوارەوە دوور بکەویتەوە لە مێدیتەیشن:

• دوور بکەوەرەوە لە مێدیتەیشن بە تەنیا لە درەنگانی شەو و دەرەوە. کاتێک لە کاتی مێدیتەیشندا تیشک و شەپۆلی ئەرێنی دەدرەوشێنیتەوە، وزە نەرێنییەکان دەتوانن بەلای تۆدا ڕابکێشرێن.
• ئەگەر ئامادە نیت بۆ بەئاگاهاتنەوەی ڕۆحی، مێدیتەیشن لە مانگی پڕدا مەکە، چونکە وزەکانی ئەم شەو دەتوانێت بەئاگاهاتنەوەی ڕۆحی دەستپێبکات. هەرچەندە گەشەکردنی ڕۆحی سوودی زۆری هەیە، بەڵام باشتر وایە کاتێک ئامادەیت بۆی ئەنجامی بدەیت.
• کاتێک لە حاڵەتێکی لاوازی سۆزداریدایت، دوور بکەوەرەوە لە ئەنجامدانی ئەم مێدیتەیشنە. وزەی مانگ دەتوانێت هەستەکانت چڕتر بکاتەوە، باشتر وایە ئەم مێدیتەیشنە بە دۆخێکی ئارام و ڕۆحەوە ئەنجام بدەیت.

وشەی کۆتایی:

مێدیتەیشنی مانگی پڕ دەتوانێت ببێتە هۆی بەئاگاهاتنەوەی ڕۆحی و ئەزموونی ڕۆحی جیاواز. لە هەمووی گرنگتر پێویست ناکات بە دانیشتن بیکەیت. ئەگەر لە ڕابردوودا لە کاتی مانگی پڕدا مێدیتەیشنت کردووە یان دوای خوێندنەوەی ئەم بابەتە بیر لەوە دەکەیتەوە، زۆر پێمان خۆشە ئەزموون و بیرکردنەوەکانت لەگەڵ ئێمە و هاوڕێکانی دیکەتدا باس بکەیت.